Archif Newyddion

Stomp y Steddfod 2006

Y Stompfeistr

         
Rhai o’r Stompwyr

Stomp [bôn y f. stompiaf: ystompiaf: (y)stompio, stomp(i)an] eb.g. Stwmp, stwnsh, slwtsh; llanastr, anrhefn, hefyd yn ffig. am berson:. mash, mashed vegetable(s), soft pulpy mass; mess, disorder, also fig. of person.

Hefyd - un bardd ar bymtheg am eu gorau yn cystadlu am Stôl (sylwer: nid Cadair) fach bren. Y Stompfeistr yn cadw trefn, a’r gynulleidfa’n dewis y goreuon o bob rownd drwy arddangos cardiau lliw. Un o ddigwyddiadau mwyaf poblogaidd yr Eisteddfod ac mae’r tocynnau’n brin iawn.

Eleni, Y Prifardd Ifor ap Glyn fydd yn feistr ar y stompwyr: Huw Meirion Edwards, Gwyneth Glyn, Iwan Llwyd, Annes Glynn, Dylan Ebenezer, Gwenno Mair Davies, Hywel Griffiths, Geraint Løvgreen, T. James Jones, Bethan Gwanas, Arwel "Pod" Roberts, Cynan Jones, Guto Dafydd, Huw Erith, Mari Lisa ac Osian Rhys Jones.

Cynhelir y Stomp ar nos Wener 11 Awst, MaesC ar faes carafanau’r Eisteddfod. Tocynnau: £7 (£6 gost.) o’r Academi 029 2047 2266 neu llinell docynnau’r Eisteddfod 0845 122 1176.