Archif Newyddion

Annwfn
Ionawr 20 – 21 2007
Bythynnod Llanteglos, Llanteg, Sir Benfro

Ydych chi’n ddigon dewr i ymlwybro i’ch isymwybod? Ydych chi’n barod i wynebu gwirionedd eich diymwybod? Neu efallai y byddai’n well gennych chi glywed am isymwybod â chyflwr seicolegol rai o awduron a beirdd enwocaf Cymru? Ymunwch â llenorion, academyddion a llêngarwyr am benwythnos preswyl a drefnir gan Academi yn Sir Benfro.

Cewch gilio rhag weddill y byd am ddau ddiwrnod o holi a stilio, darlithoedd a dansoddi, ymlacio a sgwrsio â chyfeillion. Bydd y sesiynau’n edrych ar rym yr isymwybod a’i effaith ar lenyddiaeth Cymru a thu hwnt.

Yna, fin nos, bydd cyfle i fwynhau’r cwrw a’r cwmni yn y dafarn wledig gydag adloniant gan y gr?p gwerin Toreth, cyn troi am y bythynnod am noson o gwsg yn llonyddwch hyfryd Sir Benfro.

Ymhlith y cyfranwyr bydd Gwyn Thomas, Bardd Cenedlaethol Cymru, y cerflunydd John Meirion Morris, Rocet Arwel Jones, Harri Pritchard Jones, Damian Walford Davies, Sioned Davies a’r seiciatrydd Dr Elin Ellis. Byddant yn cyffwrdd ar themâu cyn ehanged â gwaith Caradog Prichard a Waldo Williams, effaith yr isymwybod ar gelf weledol, elfennau sinistr a thywyll y Mabinogi a hyd yn oed dadansoddiad seiciatryddol o ddarnau o lenyddiaeth Gymraeg glasurol a chyfoes.

Pris y penywthnos fydd £90 / £80 yn cynnwys mynediad i bob sesiwn, llety dros nos, prydau bwyd a choffi.

Am ragor o fanylion cysylltwch â’r Academi: 029 2047 2266 / post@academi.org