Archif Newyddion

CYDYMDEITHIO

Cois-cheum – Cos ar chos - Journeying Together

Uwch gyfarfod o actifyddion diwylliannol a chelfyddydol i fynd i’r afael â’n…

diwylliannau lleiafrifol – Problem neu botensial?
– Sut rydyn ni’n goroesi globaleiddio?
– Sut rydyn ni’n ffynnu?
– Beth allwn ni ei wneud drosom ein hunain? 
– Beth sydd gennym i adeiladu arno?
– Ydyn ni’n ddigon uchelgeisiol?

THEATR FELIN-FACH
Yng nghanol Bro Gymraeg Ceredigion
24 / 25 / 26 Ebrill

 ENGHREIFFTIAU O YMARFERIAD CELFYDDYDOL YSBRYDOLEDIG GAN
YNYSOEDD AC UCHELDIROEDD YR ALBAN, Y GAELTACHT, Y FRO GYMRAEG

BYDD ARWEINYDDION Y TRAFODAETHAU’N CYNNWYS:

• ANNIE MACSWEEN – LEWS CASTLE COLLEGE
• DWYNWEN LLOYD EVANS – THEATR FELINFACH
• EDDIE KERR – SEEDS CO-OPERATIVE, DERRY
• ELEN AP ROBERT – GALERI, CAERNARFON
• EUROS LEWIS – Y FFWRWM, CEREDIGION
• FRANK RENNIE – UNIVERSITY of the HIGHLANDS and ISLANDS
• GWYN JONES – CWLWM DIWYLLIANT, PEN LLŶN
• MICHEÁL O DHOMNAILL – FIBÍN, CO. GAILLIMH
• MICHEÁL O FEARRAIGH – ÚDARÁS NA GAELTACHTA
 (Rhai o’r arweinyddion yn dal heb eu cadarnhau ar hyn o bryd)

Mae’r prosiect Cymdogion Celtaidd yn bodoli i gefnogi ac ysgogi cydweithio diwylliannol rhwng grwpiau ac unigolion sy’n byw eu bywydau trwy gyfrwng ein hieithoedd Celtaidd brodorol.  Datblygodd partneriaeth dan nawdd y Carnegie Rural Commission, a’i phrif amcanion a’i dyheadau yw:

• Cefnogi ieithoedd a diwylliannau brodorol y byd Celtaidd
• Datblygu prosiectau ar y cyd a chyfnewid diwylliannol
• Datblygu strwythurau effeithiol ar gyfer teithio a chydweithio
• Datblygu cyfathrebiad a rhwydweithiau cynaliadwy
• Datblygu dulliau gwerthuso ac adrodd cydrhwng y naill a’r llall
• Rhannu a chyfnewid staff, artistiaid, sgiliau a chyfranogwyr
• Awydd i rannu’r arferion gorau – a chael hwyl!

Tâl cofrestru: £75 preswyl (yn cynnwys prydau llawn) /  £25 dibreswyl

BWRSARIAETHAU TEITHIO AR GAEL YN ÔL Y GOFYN  - rhagor o wybodaeth ar gael gan info@vaw.org.uk

Mae Theatr Felin-fach yng Ngheredigion, ar arfordir gorllewinol Cymru (Bae Ceredigion).  Mae Abergwaun 50 milltir i’r de, Caergybi 110 milltir i’r gogledd.  Mae’r theatr ei hun oddi ar y briff ffordd, yr A482, yng nghanol cefn gwlad tua 6 milltir i’r tir o dref arfordirol fechan Aberaeron, a 25 milltir i’r de o dref prifysgol Aberystwyth. Y meysydd awyr hwylusaf i’w defnyddio i gyrraedd yno yw Caerdydd, Birmingham neu Fanceinion.  Mae rheilffordd uniongyrchol o Birmingham i Aberystwyth.