Bardd Plant Cymru

Croeso Caryl!

(I’w chanu ar dôn ‘Chwarae’n troi’n chwerw.’)

Mae dy ddosbarth di yn ddiflas,
rwyt ti’n ddiog iawn dy fyd.
Ti’n blino ar y symiau maith
a’r profion hir o hyd.
Ond mae ‘na Fardd Plant newydd
a ddaw i’n deffro ni
hefo odl a chân
a llais sy mor lân,
ie Caryl ydi hi!

CYT:  Ac mae chwerw’n troi’n chwarae,
 mae’r sur yn troi’n sêr,
 mae’r dagrau’n troi’n wenau
 a’r cur yn troi’n bêr.
 Felly croeso i Caryl,
 a’i doniau di-ri!
 Cofia bod chwerw’n troi’n chwarae
 wrth chwarae â hi!

Mai’n cul, a mae hi’n canu,
mai’n dawnsio a mai’n dlws.
Bydd disgo ar y desgiau
pan mai’n cerdded mewn drwy’r drws.
Mai’n ddoniol a mai’n ddawnus,
llawn hyder a llawn hud.
O ma Caryl yn sbri,
a mai am rannu â ni,
a gyda phlantos Cymru i gyd!

CYT:  Ac mae chwerw’n troi’n chwarae,
 mae’r sur yn troi’n sêr,
 mae’r dagrau’n troi’n wenau
 a’r cur yn troi’n bêr.
 Felly croeso i Caryl,
 a’i doniau di-ri.
 Cofia bod chwerw’n troi’n chwarae
 wrth chwarae â hi!

Gwyneth Glyn
Bardd Plant Cymru 2006-2007

Dyma gerdd a luniodd Gwyneth Glyn i gyfarch Caryl Parry Jones i’r swydd.