Rhestr o Awduron

MEDI, MENNA

Groeslon, Caernarfon, Gwynedd LL54 7TT
Ffôn: 01286 830871
Ffôn Poced: 07775 662761
Ebost: menna@medi44.fsnet.co.uk
Gwefan Cardiau Cyfarchion Cyfres WAhanol: www.cyfreswahanol.co.uk

Bardd gwlad yn ôl ei chyfaddefiad ei hun.  Enillodd Ysgoloriaeth Emyr Feddyg i’r awdur mwyaf addawol yn Eisteddfod Genedlaethol Dinbych 2001 am bennod gyntaf nofel.  Datblygodd y syniad yn nofel feiddgar o’r enw Hogan Horni.  Enillodd y gyfrol wobr Aur Pur yn Ebrill 2008 am y llyfr mwyaf poblogaidd i gael ei fenthyg o lyfrgelloedd Sir Ddinbych.  Mae cyfrol arall ar y gweill.  Mae Menna’n enillydd cenedlaethol ar gasgliad o gerddi addas i gardiau cyfarchion.  Datblygodd y gystadleuaeth yn fusnes cardiau llewyrchus.  Gwerthir yn genedlaethol o dan yr enw Cyfres WAhanol.  Mae’n enillydd naw cadair eisteddfodol ac yn hoffi cefnogi’r eisteddfodau bach.  Mae’n stompwraig awgrymog, ac yn aelod o gwmni drama, yn ohebydd achlysurol i’r Cymro, a chyn–golofnydd i’r Dinesydd.  Ymddangosodd ei gwaith ym Mela, Pais, Llên y Llannau, Byd y Cymro (Lolfa) a Pethe Penllyn.  Bu’n gweithio i’r BBC am 15 mlynedd yn cyflwyno a chynhyrchu cyfresi amrywiol gan gynnwys dilyn cyrsiau llenyddol Tŷ Newydd.  Bellach mae’n Reolwr Marchnata Cwmni Recordiau Sain.

Detholiad o Gyhoeddiadau:
Hogan Horni (Gomer, 2007)

Pynciau a gynigir sy’n gymwys dan y cynllun Awduron ar Daith:
1.  Darllen/trafod fy ngwaith fy hun/Trafod Cerddi’r Cardiau - mewn Cymdeithasau Llenyddol/Merched y Wawr/Clybiau Ffermwyr Ifanc
2.  Gweithdai barddoniaeth mewn ysgolion cynradd (gwers rydd, mydr ac odl a chyflwyniad i’r cynganeddion.)

Bodlon teithio o Amlwch i Aberdâr.