Trafodaeth ar Hawlfraint

Awduron yn gwrthdystio

Isod ceir llythyr a brintiwyd yn y Western Mail ar 24 Hydref 2007, wedi ei arwyddo gan awduron, gan roi fwy o nerth i’r drafodaeth a ddechreuwyd gan yr Academi.

Dyma lythyr protest. Ar hyn o bryd mae Llyfrgell Genedlathol Cymru wrthi’n digideiddio 90 o gylchgronau a chyfnodolion Cymreig.  Nod y prosiect Cyfnodolion Cymreig Arlein yw galluogi dallenwyr i chwilio a darllen cyfresi cyfain o gyflgronau fel Barddas a Poetry Wales ayb yn rhad ac am ddim ar y we.  Sefydlwyd y prosiect gan lyfrgellwyr ac academwyr, ond nid oes neb wedi ymgynghori gydag awduron na’r cyrff hynny sy’n eu cynrychioli.

Mae’r prosiect yn derbyn mwy na £840,000 o arian cyhoeddus.  Serch hynny, nid yw’r Llyfrgell wedi clustnodi ceiniog ar gyfer awduron y cerddi,  erthyglau, adolygiadau a straeon sydd yn y cylchgronau.  Mae’r Llyfrgell yn gobeithio y byddant yn fodlon caniatáu digiteiddio eu gwaith yn ddi-dâl.

Gwaith yw ysgrifennu.  Mae awduron proffesiynol yn cael eu talu am eu gwaith ac am ei ail-ddefnyddio.  Mae methiant y Llyfrgell i roi arian i un ochr i dalu’r awduron sydd yn meddu ar hawlfraint y gwaith yn nam difrifol ar y cynllun.  Tan fod sylw yn cael ei dalu i’r mater hwn, ni fydd awduron sydd yn dymuno cadw ysgrifennu fel gweithgaredd proffesiynol yn caniatáu i’r Llyfrgell Genedlaethol i ddigiteiddio eu gwaith.  Mae’r rhain yn cynnwys:

Er mwyn dangos eich cefnogaeth i’r ddadl hon ac i ychwanegu’ch enw at y rhestr uchod, ebostiwch Oliver Reynolds: oreynolds@hotmail.co.uk.